Në qytetin e Shkodrës situata vazhdon të paraqitet e qetë. Prej disa ditësh nuk ka patur asnjë person të dyshuar si të infektuar me virusin Covid-19, bëhet e ditur nga mjekët e shërbimit të urgjencës në spitalin rajonal të Shkodrës. Ndërkohë, krahasuar me një ditë më parë, ku qytetarët shkodranë shfrytëzuan në maksimum orarin e lëvizjes, këtë të dielë, situata është paraqitur ndryshe. Ndërgjegjësimi i qytetarëve për të qëndruar në shtëpi ka qenë pothuaj në nivelet më të larta të ditëve të fundit duke marrë shkas edhe nga masat e tjera strënguese që janë marrë ditët e fundit nag qeveria shqiptare. Rrugët e qytetit vazhdojnë të jenë të boshatisura, ndërkohë lëvizjet e vetme mbeten ato të patrullave të policisë së shtetit dhe asaj bashkiake për ruajtjen e rendit në vend.
Shtrëngimi i masave të marra vjen si shkak I mosbindjes së qytetarëve për t’i bërë ballë virusit duke u izoluar në shtëpitë e tyre për të mbrojtur veten dhe familjarët. Kryeministri Edi Rama, një ditë më parë bëri të ditur se të gjithë individët të cilët kapen duke thyer rregullat e ndalimqarkullimit rrezikojnë të mos marrin më pension familjar ose të pleqërisë, ndihmë ekonomike apo rimbursim të medikamenteve mjekësore. Nga prefektura e qarkut Shkodër bëhet e ditur se ne piken e kalimit H. Hotit, kane hyre rreth 205 persona, prej te cileve 134 shqiptar dhe 71 te huaj. Nga NjKV Puke eshte njoftuar nje rast i dyshuar dhe nga NjKV Shkoder eshte informuar per nje rast tjeter, te dy rastet po ekzaminohen njeri ne Tirane dhe tjetri ne Shkoder i cili nuk dyshohet per covid-19, ku se shpejti do marrim informacion.
Nga Bashkia Shkoder vazhdon puna per shperndarjen e ndihmave per 70 familje ne nevoje, njekohesisht edhe ne bashkite e tjera vazhdon i njejti aktivitet per tju gjendur prane familjeve ne nevoje me ndihma ushqimore dhe me ndihma me ilace per pensionistet. KMC po e monitoron situaten ne te gjithe territorin e Qarkut dhe njekohesisht i ben thirrje komunitetit te mos levizin nga shtepia, te zbatojne rregullat e vetkarantinimit, e higjenes e te pastertise personale e kolektive .