Greqia është një ndër vendet fqinje më të prekura nga koronavirusi, ku numri i viktimave dhe të infektuarëve po rritet ditë pas dite. Prandaj ditën e sotme qeveria greke ka vendosur të ndalojë qarkullimin në të gjithë vendin duke nisur nga dita e nesërme.
Kryeministri grek Kyriakos Mitsotakis ka bërë publikeditën e sotmemasat e reja që do të hyjnë në fuqi nga ora 06:00 e ditës së nesërme.
Qarkullimi i automjeteve do të ndalohet në të gjithë vendin, përveç atyre personave që kanë autorizim.
Ndërsa çdo qytetar që kërkon të qarkullojë me makinë, do t’i duhet të plotësojë një formular që tregon arsyet e qarkullimit.
Sipas mediave vendase numri i viktimave nga COVID-19 në Greqi ka shkuar në 15, ndërsa të sëmurë janë regjistruar 624 persona të tjerë.
“Kushdo që qarkullon duhet të ketë një letërnjoftim policie ose pasaportë. Dhe arsyeja e largimit të tyre duhet të konfirmohet: ose me anë të një dokumenti nga punëdhënësi i tyre- ose nga një deklaratë personale në rastin kur është i vetëpunësuar. Vërtetimi përkatës mund të merret në internet, me telefon ose me shkrim dore.”– ka thënë Kyriakos Mitsotakis.
* Për më shume bashkohuni në grupin tonë: https://www.facebook.com/groups/tpz.al/ 
