Dhimbje e madhe kur sheh Hashim Thaçin dhe Albin Kurtin që në vend të luftës ndaj koronavirusit, meren me luftën për pushtetin e tyre personal.
Në Kosovë numri i të prekurve nga Covid-19 ka arritur sot në 35 dhe pritet që të rritet në ditët në vijim. Kjo nuk e ka penguar Presidentin dhe Kryeministrin që të vijojnë të meren me të vetmin hall që me sa duket kanë; si e si të bllokojnë e rrëzojnë nga pushteti njëri tjetrin.
Hashim Thaçi sapo i ka bërë thirrje publike qytetarëve dhe trupës policore që të mos i zbatojnë masat e shpallura nga qeveria për pandeminë.
OKB shpalli sot armëpushim global për çfarëdolloj lufte kudo që po zhvillohet, derisa të përfundojë lufta e përbashkët ndaj virusit të ri.
Pas kësaj, dy çudi ka sot në bota: Koronavirusin, që konsiderohet ngjarja më e rëndë për njerëzimin që nga Lufta e II Botërore dhe luftën për pushtet në Prishtinë si në asnjë shtet tjetër të botës në këtë periudhë.
Zoti i ruajt këto kohë qytetarët e Kosovës nga Covid-19 dhe nga elita e tyre politike.
Marrë nga Alfred [email protected], blogu personal
