[embedded content]
Tregu i Zdrales në Shkodër një ditë pas izolimit total në këtë fundjavë që kaloi është mbushur plot nga qytetarët shkodran. Sapo janë zgjuar të gjithë pothuajse kanë lënë shtëpitë për të shpejtuar jo vetëm për të marrë ajër por edhe për të siguruar disa ushqime sepse kanë frikë se ky shtetrrethim mund të zgjasë për një kohë të gjatë.
Të gjithë shfaqen duke nxituar edhe pse kishin kohë deri në orën 13:00. Një pjesë janë ndërgjegjësuar duke iu bindur orarit të kufizuar por vazhdojnë të mos respektojnë distancimin social duke blerë në tregje të grumbulluar.
Një pjesë e qytetarëve shprehen se dy ditët e izolimit total ishin të vështira por është një rregull që po e zbatojnë për të mos rrezikuar që të preken nga koronavirusi.
Pas orës 13:00 këmbësoret dhe automjetet e kanë të ndaluar të lëvizin, masë kjo e vendosur për të parandaluar përhapjen e Covid -19. Kjo ka bërë që qytetarët gjatë këtij orari të kryejnë të gjitha punët që kanë dhe më pas të mbyllen në shtëpi për të pritur ditën tjetër.
