Shefja e Infektivit të Pediatrisë Gjeorgjina Kuli, në një lidhje me emisionin “Open”, ka treguar më shumë detaje, lidhur me 4 fëmijët e prekur nga koronavirusi në Shqipëri.
“Katër fëmijet nuk janë të sëmure, nuk janë paraqitur në spital. Pra janë pa shenja klinike, nuk janë paraqitur por thjeshtë janë testuar.
Ne kemi patur fëmijë me shenja klinike që kemi dyshuar për Covid apo që kanë ardhur nga zona si Italia, por kanë rezultuar negativ.
Këto katër raste, njëri është 3 vjeç , një 10, 13, dhe 15.”
Ajo tregoi dhe nëse covid mund të jetë fatal tek fëmijët.
“Nuk mund të them se është fatal. Nga literature, por dhe nga të gjitha kontaktet që kemi me kolegët në botë, mund të them që covidi i ka shpëtuar femijës sepse incidenca është më e vogël dhe numri i rasteve të rënda është akoma më i vogël. Duhet theksuar se megjithësë predispozita për tu prekur fëmijët është shumë e vogël, grupmosha më e rrezikuar tek fëmijët është 0-2 vjeç.”/CNA.al
