Nuk ka fund tragjedia në Itali, teksa vetëm në 24 orët e fundit janë shënuar 601 viktima nga koronavirusi.
Në total numri i të vdekurve në Itali që prej nisjes së pandemisë më 21 shkurt është 6077. Fatkeqësisht është rritur dhe numri i bluzave të bardha që kanë humbur jetën.
Edhe dy mjekë të tjerë kanë humbur jetën nga sëmundja në frontin e parë të luftës, duke e çuar në 24 numrin e mjekëve të vdekurve në Itali.
‘Federata Kombëtare e Urdhrit të Mjekëve, (Fnomceo) e bëri të ditur lajmin. Dy rastet e fundit i përkasin Rosario Lupo, mjek ekzaminues në Bergamo dhe Giuseppe Fasoli, mjek familjar në pension në zonën e Brescias, i cili ishte kthyer së fundi në punë për të ndihmuar kolegët e tij në luftën kundër koronavirusit.
