Drejtori i Përgjithshëm i OBSH-së Tedros Adhanom Ghebreyesus teksa ka dhënë shifrat e përhapjes së koronavirusit, u shpreh se pandemia është duke u përshpejtuar.
“Pandemia është duke u përshpejtuar. Ne duhet ta sulmojmë virusin me taktika aggressive.
Më shumë se 15,000 njerëz kanë vdekur në të gjithë botën, përfshirë të paktën 200 në Shtetet e Bashkuara.
U deshën 67 ditë për të arritur në njëqind mijë infeksionet e para, njëmbëdhjetë ditë për 200 mijë dhe katër ditë për 300 mijë”, deklaroi ai.
Nga ana tjetër OKB bën thirrje për armëpushim global dhe të menjëhershëm.
“Furia e koronavirusit tregon çmendurinë e luftës. Kjo është arsyeja pse unë kërkoj një armëpushim global dhe të menjëhershëm në të gjithë cepat e botës. Është koha për të ndaluar konfliktet e armatosura dhe të përqendrohemi në luftën e vërtetë të jetëve tona. Palëve në luftë iu them: tërhiquni nga armiqësitë”, është shprehur sekretari i përgjithshëm i OKB, Antonio Guterres.
