23 Mars, 2020 19:02 Përditësuar: 19:06
BRITANI– Në Britaninë e Madhe numri i viktimave është rritur me 54 gjatë 24 orëve të fundit, duke e çuar numrin total të viktimave në 335.
Për këtë shkak kryeministri britanik, Boris Johnson do të mbajë një fjalim televiziv, ndërkohë që situata është alarmante për të folur për rregullat e forta që duhet të zbatojnë qytetarët.
Masat vijnë nga Johnson pasi numri i viktimave u rrit me 54 brenda një dite të vetme.
Ndërkohë Sekretari i Shëndetit, Matt Hancock ka theksuar në fjalën e tij se një vendim për masat shtrënguese pritet të vijë shumë shpejt, për të mos lejuar daljen e qytetarëve jashtë shtëpive të tyre.
Edhe ekspertët i kanë bërë thirrje kryeministrit Johnson se ai duhet të bëjë më shumë për të parandaluar vdekjet e tepërta nga koronavirusi dhe thanë që strategjia e tij aktuale nuk është e mjaftueshme.
Ndërsa një grup tjetër ekspertësh kanë bërë thirrje që të zbatohet racionimi i ushqimit, duke sugjeruar që një shtetrrethim i zbatuar nga policia ishte e mundur, në përputhje me masat e marra edhe në vendet e tjera që janë prekur nga COVID-19.
Pandemia e koronavirusit ka marrë më shumë se 16 mijë jetë në të gjithë botën dhe ka infektuar 330 mijë të tjerë. Pas Kinës, e cila çdo ditë numëron më pak raste, e “plagosur” nga koronavirusi është Italia me mijëra të vdekur. Pas Italisë, vdekshmëria e të infektuarve po rritet frikshëm edhe në Britaninë e Madhe dhe në Amerikë, ku janë shënuar qindra të vdekur.
Burimi: independent
A.C/Dosja.al