Kryeministri i Mbretërisë së Bashkuar, Boris Johnson ka paralajmëruar se vendi i tij ndodhet përballë rrezikut të një shpërthimi të fuqishëm të koronavirusit, ndërsa shtoi se situata në Britani është vetëm dy ose tre javë larg skenarit të Italisë.
Numrat janë shumë të rreptë dhe ato po përshpejtohen. Ne jemi vetëm disa javë – dy ose tre – prapa Italisë”, tha Johnson.
Italianët kanë një sistem të shkëlqyer të kujdesit shëndetësor. E megjithatë mjekët dhe infermierët e tyre janë tejkaluar plotësisht nga kërkesat. Numri i të vdekurve italianë tashmë është në mijëra dhe po rritet”.
Kryeministri paralajmëroi se e njëjta gjë mund të ndodhë edhe në Britani nëse qytetarët nuk karantinohen. Sistemi shëndetësor të kolapsohet, shtoi ai.
“Kjo është arsyeja pse kemi imponuar kufizime që nuk janë parë kurrë më parë, as në paqe as në luftë.”
Deklaratat kryeministri i bëri në Ditën e Nënës në Britani. Ai u bëri thirrje njerëzve të qëndrojnë larg nënave të tyre për shkak të virusit – dhe në vend të kësaj t’i telefonojnë. Megjithatë, vetëm disa ditë më parë, vetë Xhonsoni tha që shpresonte të shihte nënën e tij.
