U dënua me 23 vite burg për përdhunim, producenti i “Hollywood”-t infektohet me koronavirus në burg
Vetëm pak javë më parë, një gjykatë në Nju Jork e shpalli fajtor ish-producentin e filmave, Harvey Weinstein, për sulm seksual dhe përdhunim.
Por tashmë mediat e huaja shkruajnë se 67-vjeçari ka rezultuar pozitiv me Covid-19. Bëhet e ditur se Harvey e mori koronavirusin gjatë qëndrimit në burg. Policia vendase ka njoftuar se tani Weinstein ndodhet në izolim.
Kujtojmë se 67-vjeçari është dënuar me 23 vjet burg dhe avokatët e tij kanë thënë se do të apelojnë vendimin.
Ish-producenti po mbahet në burgun e sigurisë së lartë Wende Correctional Facility në Nju Jork.
Dy të burgosur rezultuan pozitiv me koronavirusin të dielën. BBC raporton se disa anëtarë të stafit ishin karantinuar. Ndërsa oficieri Michael Powers shprehur shqetësimin se policët nuk kanë pajisjet e duhura për tu mbrojtur.
“Duke pasur parasysh gjendje shëndetësore të Weinstein, sigurisht jemi të shqetësuar dhe do të vëzhgojmë situatën me vigjilencë”, tha avokati i tij Imran Ansari.
