Presidenti i Kosovës, Hashim Thaçi, në një konferencë të jashtëzakonshme për media, pas vendimit të Qeverisë Kurti për orën policore, ka thënë se vendimi i qeverisë është shkelje e kushtetutës së Kosovës.
Presidenti i Thaçi i e ka quajtur vendim të papërgjegjshëm dhe në kundërshtim me Kushtetutën e Kosovës. Ai ka thënë se kufizimi i lëvizjes së qytetarëve të Kosovës bëhet vetëm me shpallje të gjendjes së jashtëzakonshme.
Ai, mes tjerash, ka thënë se qytetarët nuk janë të obliguar të zbatojnë vendimin.
“Qytetarët nuk janë të detyruar t’i zbatojnë vendimet antikushtetuese të qeverisë dhe askush nuk mund t’i dënoj. As Policia e Kosovës e as organet e qeverisë nuk duhet të zbatojnë këtë vendim antikushtetues të qeverisë sepse bëjnë vepër penale”, ka thënë Presidenti.
