Donalda Tana
Legal Associate Ashton Ross Law
Dëshirojmë t’ju informojmë se në bazë të Coronavirus (Covid-19) dhe ndikimit të tij në Mbretërinë e Bashkuar dhe ndërkombëtarisht, ne në Ashton Ross Law
kemi punuar për të zbatuar një mjedis pune krejtësisht jasht zyre. Cilado qoftë natyra e çështjes suaj të emigracionit, ne do të jemi në gjendje të ndërmarrim udhëzimet tuaja pa pasur nevojë të merrni pjesë në zyrë.
Pritet të ketë shumë ndryshime, prandaj ju këshillojmë të qëndroni në kontakt. Aktualisht, ne dëshirojmë t’ju informojmë për gjërat e mëposhtme: Testim pa pagesë të Covid-19 nga NHS:
Rregullat janë miratuar duke shtuar Covid-19 në listën e sëmundjeve për të cilat nuk duhet të bëhet asnjë pagesë për trajtimin e NHS, pavarësisht nga statusi i imigracionit të pacientit. Ky ndryshim do të ketë më shumë rëndësi për vizitorët afatshkurtër dhe për emigrantët pa status të ligjshëm, të cilët normalisht duhet të paguajnë për kujdesin e NHS.
Aplikimet për vizë
Sopra Steria, e cila drejton të gjitha qendrat e aplikimit për vizë dhe shtetësi në Mbretërinë e Bashkuar, ka njoftuar që nëse keni simptoma dhe duhet të vet izoloheni, ose nëse jeni të prekur nga Coronavirus, nuk duhet të merrni pjesë në takimin tuaj. Nëse pas takimit tuaj, ju shfaqni simptoma ose keni Coronavirus, do të duhet të informoni qendrën përkatëse.
Përveç kësaj, UKVCAS ka filluar anulimin e takimeve në minutën e fundit për shkak të mungesës së stafit. Tarifat do të kthehen, por do të zgjasin rreth dhjetë ditë pune.Anulim i intervistave thelbësore për azili:
Ministria e Brendshme ka vendosur të ndalojë intervistat thelbësore të azilit për momentin. Të gjitha intervistat e planifikuara nga 19 Mars e tutje janë anuluar. Përvec kësaj, që nga 18 Mars, azilkërkuesit që dëshirojnë të paraqesin parashtresa të mëtejshme me qëllim që çështja e tyre të konsiderohet si një kërkesë e re, nuk kanë më nevojë të paraqiten personalisht.
Kampet e emigracionit:Fushata të ndryshme kanë bërë thirrje që të gjithë ata ne kampet e imigracionit të lirohen. Momentalisht kjo ka ndodhur ne mas, pasi Ministria e Brendshme ka len te lirë 300 njerez.
Pezullimi i kushteve të raportimit:
Për shkak të situatës aktuale, Ministria e Brendshme ka njoftuar se të gjithë ata që duhet të raportojnë sipas rregullave të emigracionit ndaj lirimit të tyre me kusht nuk duhet të raportojnë deri në një njoftimin të mëtejshëm.
Ceremonia e shtetësisë Britanike:
Autoritetet lokale po pezullojnë ceremonitë e shtetësisë. Ministria e Brendshme gjithashtu ka ndaluar lëshimin e çertifikatave të naturalizimit dhe regjistrimit.
Seancat Gjyqësore:
Shumica e seancave tani do të shtyhen. Gjykatat janë duke u përgatitur për sa më shumë punë në distancë gjatë kësaj krize.
Ne po bëjmë çmos për të informuar klientët tanë për këto ndryshime dhe duke i ndihmuar ata në çdo çështje të imigracionit në distancë.
Për çdo ndihmë ose infromacion, ju lutem mos nguroni të na kontaktoni në detajet e disponuara.
Per me shume info ju lutem na kontaktoni
(Ne gjuhen shqipe)
Dona:
shqip: 07856 233878
english: 07535784248
Tel: 020 3815 8440
FAx: 020 3815 8441
Address: No 16,
St Martin’s
Le Grand, St Paul’s,
London, EC1A 4EN
