Një ndër masat parandaluese dhe që na mbron nga infektimi me Covid-19, sipas specialistëve është larja e shpeshtë e duarve.
Për këtë, kreu i qeverisë, Edi Rama u dërgoi dhe një mesazh në celular të gjithë qytetarëve.
‘Edi jam! Te lutem laj duart shpesh. Mos lëviz nga shtëpia për qejf. Hap dritaret sa te mundesh. Ruaju nga informacioni i rreme. Mos ki frikë, po bëj shumë kujdes. Për çdo shenjë merr 127. Të përqafoj nga larg’, shkruhej në mesazh.
Por një analizë ndryshe, ka bërë Profesor Ilir Pecnikaj. Nëse një qytetar do e zbatonte këtë rregull, pra larjen e duarve shpesh dhe mbi 20 sekonda cdo herë, do shpenzonte mesatarisht 20 litra ujë në ditë.
Ndërsa një familje me 5 anëtarë do ti duhen 100 litra ujë çdo ditë, më shumë se në ditët e zakonshme.
Megjithëse shumë e rëndësishme për ruajtjen e shëndetit, Pecnikaj thekson se e gjitha kjo mund të kthehet në një bumerang krizë globale për ujë dhe ndotjen e tij.
Për ti kursyer Shqipërisë 50.000 m3 ujë/ dite, gjate kësaj kohe të jashtëzakonshme e cila parashikohet të jetë 2-3 muaj, ai jep dhe disa këshilla më poshtë.
“Një pyll po digjej, të gjitha kafshet e ketij pylli, me në krye mbretin Luan, po largohen me vrap prej pyllit. Një harabel po udhetonte në të kundërtën e turmës, drejt zjarrit. Luani e ndaloj dhe e pyeti, – ku po shkon, a nuk e shikon që i gjithe pylli po digjet?
– Po por unë po shkoj të hedh ujë mbi të.
– Luani qeshi dhe i thotë , – me ato 2-3 pika do ta fikesh?
Harabeli i pergjigjet, – UNE PO BEJ PJESËN TIME.
Duke u nisur nga kjo fabulë , në këto ditë të vështira që po kalojmë, do të kërkoja 2 gjëra ty miku im virtual.
1. RRI DHE MOS DIL NGA SHTËPIA PËR ASNJË ARSYE E CILA NUK ËSHTË ME E MADHE SE VETË JETA.
2. Thirrja laj duart do të na kthehet në një bumerang krizë globale për ujë dhe ndotjen e tij.
Normalisht na është kërkuar që ti lajmë duart sa më shpesh dhe mbi 20 sec çdo herë. Duke vepruar kështu ne harxhojmë së paku 2 litra ujë për çdo larje duarsh, pra së paku 20 litra ujë çdo ditë. Një familje me 5 veta do ti duhen 100 litra ujë çdo ditë, më shumë se në ditët e zakonshme. Por kjo është e nevojshme për të ndaluar virusin.
Atëherë çfarë të bëjmë?
Nëse doni të jeni të përgjegjshëm, ndaleni ujin e rubinetit gjatë kohës që të ferkoni duart me sapun dhe kështu ju mund të kurseni rreth 80-85% të ujit.
Nëse mund t’i bindni njerëzit tuaj për ta bërë këtë, do të kursehen rreth 85 litra ujë mesatarisht çdo ditë për familje.
Sa ujë do kursehej kështu?!
Në Shqipëri mund të kursejmë 50.000 m3 ujë/ dite, ose gjate kësaj kohe të jashtëzakonshme e cila parashikohet të jetë 2-3 muaj, ne mund ti kursejmë kësaj toke rreth 4.000.000 m3 ujë të paster.
BËHU I NDËRGJEGJSHËM, NDERGJEGJESO NJERZIT ME TË CILËT BASHKËJETON.
Kështu mund të bëhesh një qytetar i mirë, për të cilin kjo tokë ka shumë nevojë. Ky është një punë e thjeshtë që mund të bësh, si i till ti do të jesh heroi për vete, komunitetin, gjithë shoqërinë e mbi të gjitha për tokën ku jetojmë e cila çdo ditë e më shumë po përpëlitet nga ndotjet!!!
Ju lutem shperdajeni sepse kjo është një mënyrë e thjeshtë por shumë e efektshme për të parandaluar ndotjen dhe për të ruajtur këtë pasuri të pa çmueshme natyrore, siç është UJI!’
LEXO EDHE: Dy persona me maska dhunojnë mjekun në ambulancë
