Ka ndërruar jetë një paciente e prekur nga virusi Covid-19 në Shqipëri, duke e çuar në 6 numrin e personave që kanë humbur jetën nga komplikacionete shkaktuara nga ky virus.
Pacientja 71-vjeçare nga Tirana ishte e shtruar prej 7 ditësh në Spitalin Infektiv ku mbahej në terapi intensive dhe me frymëmarrje të drejtuar.
Pavarësisht përpjekjeve të mjekëve, 71-vjeçarja me hipertension, e shtruar prej 7 ditësh në spitalin Infektiv, nuk arriti të mbijetojë.
Ministria e Shëndetësisë i shpreh ngushëllimet familjes së të ndjerës dhe i bën thirrje dhe një herë qytetarëve të respektojnë me shumë rigorozitet rregullat e distancimit social dhe të telefonojnë 127 në rast se kanë shenja të sëmundjes.