SHQIPERIA
DARDANIA
EKONOMI
[embedded content]
Varfëria në familjen e Danushës në njësinë Bërdicë të bashkisë Shkodër është ekstreme. Shtetrrethimi për shkak të përhapjes së koronavirsit e ka bërë edhe më të vështirë jetesën e tyre. Danusha e divorcuar, nënë me dy fëmijëve të vegjël jeton tek prindërit e saj në kushte shumë të vështira. Këto janë pamjet e shtëpisë së amortizuar ku jetojnë dy të miturit, nëna dhe gjyshja e tyre. Prej 14 ditësh nuk kanë dalë nga shtëpia dhe tashmë ushqimet pothuajse i kanë mbaruar.
Gjyshja e dy fëmijëve, Domenika tregon edhe kushtet në banesën e tyre e cila vetëm shtëpi nuk mund të quhet.
Pas mbylljes së shkollave mësimi online është më i vështirë për vajzën e vogël për shkak të kushteve aspak të përshtatshme, e megjithatë është munduar që të mësojë.
Nëna e dy fëmijëve, bën apel që kushdo që ka mundësi t’i ndihmojë të paktën për ushqimet sepse nuk kanë asnjë burim të ardhurash.
Rastet e familjeve të varfra në Shkodër janë të shumta, aq më tepër në këto ditë të shtetrrethimit. Një nga këta është edhe familja e Danushes e cila është në vështirësi të mëdha dhe kërkon ndihmë nga institucionet dhe kushdo tjetër që mund t’i gjendet në këto ditë kur gjithçka është e izoluar.
