Rastet e reja me koronavirus janë nga Malisheva

Gjatë ditës së sotme janë testuar 25 mostra nga Malisheva, prej të cilave 7 rezultuan pozitive me koronavirus.

Të gjitha rastet janë të njohura, të kontaktuara dhe në vetëizolim, bën të ditur Instituti Kombëtar i Shëndetësisë Publike të Kosovës.

Poashtu ky institut i bën thirrje qytetarëve që të qëndrojnë në shtëpi.

“Ju lutemi ti përmbaheni rekomandimeve të Institutit Kombëtar dhe mos dilni në grumbuj gjatë orëve të lira të lëvizjes sepse jeni duke rrezikuar veten dhe familjet e Juaja!

Në Prishtinë po vërehen dalje masive në orët e lira të lëvizjes. Grumbuj të njerëzve që po rrezikojnë veten dhe të gjithëve! Ju lutem kini kujdes se mund të shkaktoni shpërthim epidemik në kryeqytet!”, thuhet në njoftimin e tyre./Indeksonline/