Televizoni kombëtar Top Channel po mbyll një pjesë të madhe të emisioneve më të ndjekura, përfshirë këtu edhe “Portokalli”.
Siç duket paralajmërimi për mbylljen e programeve po vjen nga një sondazh online në faqen zyrtare të Top Channel ku pyetet se çfarë dëshirojnë të shohin më shumë shikuesit.
Deri tani në rezultatet e sondazhit, njerëzit preferojnë filma të cilët kanë marrë 49.19% të votave, dhe lënë kështu në vijë të dytë emisionet me 20.14% të votave.
Të tretët renditen spektaklet të cilët do të jenë në ritransmetim pasi edhe në sondazh shkruhet “spektakle në ritransmetim”.
Pjesën e emisioneve dhe spektakleve, Top Channel do ta mbushë me ritransmetime apo me stilin “The Best”.
Në edicionin e lajmeve të ditës së djeshme, Top Channel lajmëroi se duke filluar nga sot do të ketë ndryshime në programacion duke e justifikuar si update-im për nevojën që kanë njerëzit e izoluar në shtëpi për më shumë informacion.
Emisioni “Ftesë në 5” nuk do të zgjasë më 1 ore por tashmë do të transmetohet nga ora 17:00-19:00, gjithashtu edicioni i lajmeve do të nisë në orën 19:00-20:00 cdo ditë të javes deri në përfundim të karantinës.
Me mbylljen e emisioneve, Top Channel pritet të ketë edhe shkurtime drastike të punonjësve.
Por, nuk mbaron këtu, sepse përveç mbylljes së programeve pritet që stafi që do te vijojë punën në televizion të kenë rroga shumë shumë të ulëta deri në anullim të tyre.
Në një lajm të publikuar disa ditë më parë në gazetën “Dita” shkruhej për një mesazh nga drejtori i Top Channel, Ben Blushi për stafin ku shpjegohet se këto emisione do të pushojne prodhimin: Dilema, E Diell, Dua,Top Shoë, Portokalli,Take me Out,Procesi Sportiv.
Në mesazhin e Blushit thuhet se ky kufizim kërkon një adaptim formule edhe për Open, Fiks Fare, Wake Up, Shqiperia Live, Pop Culture.
Kujtojmë se mbrëmjen e djeshme programi “Portokalli”, një ndër më të ndjekurit u transmetua në një version ndryshe, të xhiruar nga shtëpia, por mesa duket kjo nuk do të përsëritet më.
Në komunikimet e tij, Blushi sqaron se gjithçka vjen nga rrethanat dhe nuk varen nga ai duke e quajtur veten KOMPANIA.
Pas mesazhit të parë drejtuar stafit, Ben Blushi pritet që të njoftojë sa do të jete masa e uljes së pagave për stafin e që do të mbetet në Top Channel.
LEXO EDHE: Doktori amerikan apel qytetarëve/ “Bëni kujdes, kulmi i të infektuarve me virus rreth datës 1 maj”
Lajmi me mesazhin e Blushit, i publikuar në gazetën Dita u hoq nga kjo faqe online, por CNA.al risjell komunikimin e tij me stafin.
Përshendetje të gjithëve!
Duke uruar të jeni mirë ju dhe të afërmit tuaj dua t’ju njoh me kushtet e reja të krijuara për shkak të karantinës. Siç besoj jeni njohur masa e prezantuar dje për operatoret televizive na detyron të kufizojmë ose mbyllim përkohësisht të gjitha programet me më shumë se 2 veta në studio. Ky kufizim i pritshëm ndoshta megjithese deri diku absurd ne rastin tone,nenkupton që të paktën këto emisione të pushojnë prodhimin duke nisur nga e hena; Dilema, E Diell, Dua, Top Shoë, Portokalli, Take me Out, Procesi Sportiv. Natyrisht ky kufizim kërkon një adaptim formule edhe për ca mbetet pra Open, Fiks Fare, Wake Up, Shqiperia Live, Pop Culture, etc pa përmendur këtu veshtiresine deri ne pamundesi qe programe si Gjurme shqiptare, exluzive,Top Story dhe Fshtrat do kene per tu realizuar normalisht. Ne kete situate problemet e Tch jane te pakten dy; E para si do zevendesohen keto ore transmetimi. Kjo kerkon nje konsulte me te plote gjate dites ne vijim.
E dyta.Si do paguhen stafet artistike dhe teknike te te gjitha programeve qe do pezullohen ne kushte karantine. Kini parasysh se kompania prej nje jave nuk po shet sepse klientet nuk reklamojne pothuajse asgje ne kushte karantine. Pra duhet tju them te gjitheve te pergatisni stafet sepse ne javet qe do vijne deri ne lehtesim te gjendjes se jashtezakonshme kompania do detyrohet te rishikoje politiken e pagave deri ne anullim te nje numri prej tyre. Natyrisht kjo do ishte nje mase ekstreme por nuk varet absolutisht nga vullneti yne. Sidoqofte e hapa kete komunikim ne distance jo vetem per tju informuar por edhe per te marre nje mendim nga te gjithe ju per cfare duhet bere. Nderkohe ju lutem te gjitheve te mbroheni dhe te mbroni te afermit tuaj sepse kjo eshte vetmja zgjidhje qe kemi per momentin.Sa me te shendetshem aq me shpejt do zgjidhim gjithshka. Me shume trishtim por dhe me shume shprese. B.
