Mbrëmjen e sotme, ka ndërruar jetë një 71 vjeçare, si pasojë e koronavirusit Covid-19.
71 vjeçarja vuante edhe nga hipertensioni. Pas infektimit me Covid-19, ajo ishte shtruar në spitalit Infektiv dhe gjendej në terapi intensive, me frymëmarrje të drejtuar (respirator). Gjendja e saj u përkeqësua dhe nuk arriti t’i mbijetojë virusit.
Vdekja e 71 vjeçares, e çon në gjashtë numrin e fataliteteve në Shqipëri, si pasojë e koronavirusit.
Deklarata e Ministrisë së Shëndetësisë:
Gjatë mbrëmjes së sotme ndërroi jetë një paciente 71-vjeçare nga Tirana, e konfirmuar me COVID-19, e shtruar në spitalin Infektiv, në terapi intensive, në frymëmarrje të drejtuar (respirator).
Pavarësisht përpjekjeve të mjekëve, 71-vjeçarja me hipertension, e shtruar prej 7 ditësh në spitalin Infektiv, nuk arriti të mbijetojë.
71-vjeçarja është viktima e gjashtë e prekur nga COVID-19 në Shqipëri.
Ministria e Shëndetësisë i shpreh ngushëllimet familjes së të ndjerës dhe i bën thirrje dhe një herë qytetarëve të respektojnë me shumë rigorozitet rregullat e distancimit social dhe të telefonojnë 127 në rast se kanë shenja të sëmundjes.
/TPZ.al/
* Për më shume bashkohuni në grupin tonë: https://www.facebook.com/groups/tpz.al/ 
