Kryeministri në detyrë Albin Kurti ka shkarkuar nga detyra zëvendëskryeministrin e parë Avdullah Hoti, pjesë e LDK-së.
Ky shkarkim ka ardhur menjëherë pas votimit të mocionit të mosbesimit ndaj qeverisë Kurti në Kuvendin e Kosovës.
Lajmi është bërë i ditur me anë ttë një komunikate të Zyrës së Kryeministrit, por nuk është dhënë asnjë arsyetim.
Qeveria e Albin Kurtit u rrëzua mbrëmë me 82 vota pro, pas mocionit të mosbesimit të iniciuar nga aleati i tij bashkëqeverisës, Isa Mustafa.
Mocioni i mosbesimit ka ardhur si rezultat i shkarkimit të ministrit të Punëve të Brendshme Agim Veliu nga kryeministri tashmë në detyrë i Kosovës, Albin Kurti.
Kurti duket se nuk ka humbur kohë që të fillojë ‘hakmarrjen’ e tij, duke shkarkuar Hotin, ndërsa nuk dihet ende fati i ministrave të LDK-së.