70 raste të konfirmuara me COVID-19 janë në Venezuelë, ndërsa mjekët përballen edhe me mungesën e ilaceve dhe pajisjeve mjekësore.
Sistemit të kujdesit shëndetësor i mungojnë infrastruktura dhe burimet për të trajtuar sëmundjet themelore.
“Ne po përballemi me një sëmundje të panjohur, pa e ditur se çfarë sjelljeje do të jetë në vendin tonë,” tha Dr Oscar Noguera, drejtor i Ancora Humanistas, një organizatë joqeveritare në Venezuelë.
Sipas mediave të huaja,personelit mjekësor i mungojnë edhe veshjet e duhura për t’u mbrojtur nga koronavirusi, ndërsa emigrimi i mjekëve e ka lënë sistemin shëndetësor në Venezuelë në gjendjen më të keqe të mundshme.
Në një përpjekje për të frenuar shpërthimin e koronavirusit, Presidenti Nicolas Maduro vendosi një karantinë mbarëkombëtare dhe udhëtimin e kufizuar midis shteteve, raportojnë mediat e huaja.
“Ne po përgatitemi për situatën më të rëndë që kemi hasur ndonjëherë,” tha Maduro në televizionin shtetëror. I gjithë vendi do të hyjë në karantinë”.
Presidenti gjithashtu inkurajoi njerëzit që të mbanin maska për fytyrën. Ai ndaloi njerëzit të hipnin në metro ose të merrnin trenat për të udhëtuar.
