Berisha flet për pasojat e rënda të stresit dhe panikut/ Apeli i fortë për qytetarët

Ish kryeministri Sali Berisha ka ashpërsuar tonet lidhur me ndjelljen e panikut nga ana e kryeministrit Edi Rama përsa i përket masave ndaj koronavirusit.

Berisha bën thirrje të marrë fund strategjia e panikut dhe terrorit.

Teksa tregon se ka qenë studiues apasionant i stresit, Berisha thotë se “stresi që krijohet krijon ndryshime shumë të thella biologjike, hormonale të cilat mund te kenë pasoja shumë të rënda tek fëmijët, tek të sëmurët dhe tek njerëzit me probleme të shëndetit mendot”.

Gjithashtu Berisha ka bërë edhe një apel për qytetarët teksa thotë se duhet të ndërgjegjësohen.

“Të ndërgjegjësohemi cdo ditë sepse secili prej nesh është në një mision pothuajse të shenjtë të mbrojtjes së vetes sonë, të mbrojtjes se fëmijëve tanë. Në këtë sëmundje nuk mund të bëhet asnjë lëshim, asnjë kompromis”, tha Berisha./CNA.al