SHQIPERIA
DARDANIA
EKONOMI
Ndërkohë që numri i të infektuarve me koronavirus në vendin tonë po vjen duke u rritur, qeveria ka planifikuar të ndërtojë një spital të ri karantinë.
Për këtë foli edhe ministrja e Shëndetësisë Ogerta Manastirliu mbrëmjen e sotme në një lidhje me emisionin “Open”, ndërsa zbuloi dhe gjendjen e të shtruarve aktualisht në Spitalin Infektiv.
“Numri vjen duke u shtruar çdo ditë. Aktualisht në Spitalin Infektiv janë të shtruar 73 pacientë. Pesë janë në terapi intensive, 4 të intubuar, në gjendje më të rëndë.
Janë më shumë se 5 pacientë që tashmë kanë lënë spitalin, dhe kanë vajtur në banesat e tyre, sigurisht duke zbatuar protokollet mjekësore, pra 14 të izoluar.
Kjo luftë kërkon kapacitete, për këtë arsye ne jemi duke adaptuar dhe një spitali karantinë që do të jetë gati për 20 ditë.
LEXO EDHE: Porosia e OBSH/ PD “ultimatum” qeverisë: Të rrisë fondet për testimin dhe të testojë masivisht
Kjo strukturë do të shërbejë për të sëmurës që kanë simptoma të lehta, por që duhet të qëndrojnë në karantinë, larg familjes dhe të marrin kujdes shëndetësor.
Tashmë ne jemi në fazën e rritjes së shpeshtë të numrit të rasteve, prandaj duhet të jemi të përgatitur. Numri ndoshta do rritet dhe në javët në vijim.”/CNA.al
